Saturday, 15 March 2008

ഇടവഴിയുടെ നൊമ്പരം













 

ഇടവഴിയുടെ നൊമ്പരം

ഓര്‍ക്കുന്നുവോ നീയെന്നേ..? (നിങ്ങളെന്നേ)
ഹേ.. സുന്ദരീ .. നീ എന്‍ പ്രിയ സഖീ
എന്ന മൊഴി കേട്ടമര്‍ത്തിയ പാല്‍ -
പ്പുഞ്ചിരിയോടെ , കാല്‍ച്ചിത്രം വരയ്ക്കും
നവോഢയേപ്പോല്‍ , നിന്നോട് -
ചേര്‍ന്നു നിന്നിരുന്നൊരു നാള്‍ ഞാനും

അന്നെന്‍ നെഞ്ചിലേ ചൂടേറ്റ് വാങ്ങി -
രചിച്ചു നീ കാവ്യങ്ങളായിരമായിരം
നഷ്ട സ്വപ്നങ്ങളോര്‍ത്തു നിന്‍ നെടുവീര്‍പ്പുയര്‍ന്നപ്പോള്‍
വാര്‍ത്തൂ ഞാനുമെന്നശ്രു ബിന്ദുക്കള്‍ നിന്‍ തേങ്ങലിനകമ്പടിയായ് !

ഒടുവിലെന്‍ ഹ്രുത്തിലൊരുപിടിക്കനല്‍ വാരിയിട്ടു നീ
തിരിഞ്ഞ് നോക്കാതെ നടന്നകന്നു
അരുതെന്നു ചൊല്ലാനൊരുങ്ങീല ഞാനു -
മെനിക്കറിയാം നിന്‍ യാത്രയിന്നിന്‍ വഴി തേടിയെന്ന് !

തുണയാരുമില്ലാതെ നിന്നെയുമോര്‍ത്തു കഴിയുമ്പോളൊ -
രുനാള്‍ കേട്ടു ഞാനയലത്തേ വഴികളില്‍ കോമരമുറയുന്നുവെന്ന്
വീശിയടിക്കുന്ന കാറ്റില്‍ നിന്നറിഞ്ഞു ഞാനാ -
ച്ചോരയുടെ ഗന്ധവും ആര്‍ത്തനാദങ്ങളും !

ഇന്നകലെ മുഴങ്ങുന്നോരാര്‍ത്തനാദങ്ങള്‍
നാളെയെന്‍ കാതിലുമാര്‍ത്തിരമ്പുമോ..?
ഇന്നവിടെയൊഴുകുന്ന നിണവും കബന്ധവും
നാളെയെന്‍ നെഞ്ചിലുമിറ്റിറ്റു വീഴുമോ..?

അറിയില്ല എന്നാലും ശങ്കയൊഴിയാതെ
കാത്ത് നില്പു ഞാനേകയായ്...
നിന്നെയും തേടി .....!






Wednesday, 12 March 2008

വവ്വാല്‍


വവ്വാല്‍ എന്‍ജ്ജൊക്കെ...റ്റിന്നും.....

ചാംബയ്ക്ക റ്റിന്നും......
പേരയ്ക്ക റ്റിന്നും.......
കൊവയ്ക്ക റ്റിന്നും......
മച്ചിങ്ങ റ്റിന്നും.....
ഏത്തയ്ക്ക റ്റിന്നും....

പിന്നെയോ.............??
പിന്നെ....?
പിന്നെ....?

Friday, 7 March 2008

ഒരു ചോദ്യം...















ഒരു ചോദ്യം...?


ചോദിച്ചിടട്ടേ ഞാനൊരു ചോദ്യം..
അറിയാതെ മനസ്സില്‍ കടന്നൊരു ചോദ്യം..
പ്രണയത്തിന്‍ നിറമേതെന്ന ചോദ്യം..
കാലമേറീട്ടും ഉത്തരമില്ലാത്ത ചോദ്യം..

ഏവരേം പോലെ ഞാനും കരുതി
പ്രണയത്തിന്‍ നിറം ചുവപ്പെന്ന്
സ്നേഹത്തിന്‍ വളപ്പൊട്ടുകള്‍ക്കിടയില്‍
സൂക്ഷിച്ചു ഞാനുമൊരു പനിനീര്‍പ്പൂ...ചുവന്ന പനിനീര്‍പ്പൂ

കാലമേറെ കഴിഞ്ഞീല, കാരണമെന്തെന്നറിയീല
കറുത്തുപോയ് എന്‍ പനിനീര്‍പ്പൂ...ചുവന്ന പനിനീര്‍പ്പൂ
കണ്ണുകള്‍ ചൊരിഞ്ഞത് ബാഷ്പകണങ്ങളോ?
കറുത്ത നിണമോ?...ചുവന്ന നിണമോ?

മായ്ച്ചുകളഞ്ഞു ഞാനെന്‍ കവിളിലെ ‍ചാലുകള്‍
ചോര മണക്കുന്നു കൈകളില്‍...എന്‍ പ്രണയത്തില്‍...
എങ്കിലും ചോദ്യമതൊന്നു ബാക്കി
പ്രണയത്തിന്‍ നിറമേതെന്ന ചോദ്യം.....??

Tuesday, 4 March 2008

തൃഷ്ണ











 

ഇരുപത്തിയൊന്നാം ... നൂറ്റാണ്ടിലും..
ഗ്രാമത്തിന്റെ നിഷ്കളങ്കതയും....
വിശുദ്ധിയുമായി....ചിരിച്ചും.. കളിച്ചും.....
നടക്കുന്ന എന്റെ ഒരു പ്രിയസുഹൃത്തിന്.......

തൃഷ്ണ

എന്നിലുമൊരുപാട് തൃഷ്ണയുണ്ടായിരുന്നു
കണ്ണീര്‍ മണക്കുന്ന....നൊംബരമൂറുന്ന.....തൃഷ്ണ...

മുട്ടേലിഴയുന്ന പ്രായത്തില്‍ , ഓര്‍മ്മയുദിക്കും നാളുകളില്‍
കിട്ടാക്കനിയായത്....വേണമെന്നേങ്ങിയത് , സ്നേഹം മാത്രം...
അമ്മ തന്‍ മുലപ്പാല് മാത്രം !

നാറ്റമെടുക്കുന്നുവെന്നെന്റെ ക്ലാസിലെ
ടീച്ചറും തോഴരുമാട്ടിയപ്പോള്‍
കാക്കിനിക്കറെന്റെ പൃഷ്o ഭാഗത്തെ.
നഗ്നത വെളിയാക്കിയപ്പോള്‍....
വേണമെന്നേങ്ങിയത് , കീറാത്ത കോടിയെന്ന സ്വപ്നം മാത്രം !

നാളുകളൊരുപാടു മുന്‍പേ നടന്നപ്പോള്‍
നാട്ടിലെ തൃഷ്ണക്ക് തേറ്റ കിളിര്‍ത്തു..
നിറഭേദം വന്ന അവരാകെ ഒന്നാകി
നാണമില്ലാത്തവനെന്നെന്നേ പഴിച്ചു !

ഒന്നിച്ചുണ്ടും കളിച്ചും വളര്‍ന്നൊരു
സ്നേഹമൊരു രാവിലെന്‍ മുറിയില്‍ വന്നു...
വിറയാര്‍ന്ന ചുണ്ടില്‍ നിന്ന‍കന്നു മാറവേ....
കേട്ടു ഞാനാദ്യമായ്‍...., തൃഷ്ണയില്ലാത്തവന്‍ !

കൈ കോര്‍ത്തു നടന്നയെന്‍ കൂട്ടുകാരെല്ലാം
കപടലോകത്തിന്‍ മേലങ്കിയിട്ടപ്പോള്‍
കൂടെ അണിയുവാന്‍ ഒരുങ്ങീല ഞാനും
അപ്പോഴവരും ആര്‍ത്തു ചിരിച്ചൂ....വിളിച്ചെന്നെ,
തൃഷ്ണയില്ലാത്തവന്‍!

അന്ധത മൂടുമീ തൃഷ്ണ തന്‍ ലോകത്ത്.,
ദംഷ്ടൃകള്‍ കാട്ടിയിളക്കുമീ...നാട്ടില്‍
എന്നുടെ തൃഷ്ണയ്ക്ക് എന്തു പ്രസക്തി !
അതുകൊണ്ട് ഞാനതിനെ കുഴിവെട്ടി മൂടി !
ഹ........ഹ..........ഹ...........ഹ...........ഹ

Saturday, 1 March 2008

ചോറ്

ചോറ്.........
ചേറ്റില്‍ നിന്നുണ്ടായ ചോറ്..........
ചോര നീരാക്കിയ ചോറ്........
ഇന്ന്
ചക്രശ്വാസം വലിക്കണ ചോറ്......

ചോറ് വെയ്ക്കാന്‍ ചെംബു വേണം.....
ചെംബിലിടാന്‍ ചെംബന്‍ വേണം.......
ചെംബനും കൂട്ടി ചാപ്പിടാനമ്മേ.....
ചമ്മന്തിയും വേണം..........
തേങ്ങാ.....ചമ്മന്തിയും വേണം....

Wednesday, 27 February 2008

ചാറ്റല്‍ മഴയിലെ ചിന്ത


ചാറ്റല്‍ മഴയിലെ ചിന്ത

ചിന്ത തന്‍ വയല്‍ വരമ്പിലൂടെ
ഏകാന്തനായ് ഞാന്‍ നടന്നു...
പൊടുന്നനെ പെയ്തൊരു ചാറ്റല്‍ മഴയില്‍
ചിന്തകള്‍ ഭംഗിയേറിയ പോലെ...

ചിന്തിച്ച് ചിന്തിച്ച് കുളിരേറി വന്നപ്പോള്‍
ഓര്‍ത്തു ഞാന്‍ പഴയൊരു ചാറ്റല്‍ മഴയെ..
അന്നും നനഞ്ഞു കുളിരേറിയപ്പോള്‍
ചേര്‍ന്നു നടന്നോരാ പ്രണയത്തേയും...

ചറ പറ പെയ്തൊരാ ചാറ്റല്‍ മഴ
പൊടുന്നനെ അവളുടെ ഭാവം മാറ്റി...
കുളിരുള്ള നോവുള്ളോരനുഭൂതിയില്‍
പൊട്ടിക്കരച്ചിലോടെന്നിലേക്കവള്‍ പെയ്തിറങ്ങി...

കാലപ്രവാഹത്തില്‍ ഒരുപാട് നനഞ്ഞിട്ടും
മറക്കില്ല ഞാനന്നത്തെ ചാറ്റല്‍മഴയെ...
പെയ്തുതോര്‍ന്നയവളുടെ മുഖഭംഗിക്കും
ഇന്നിലേ എന്നിലെ ചിന്തകള്‍ക്കും....

പെയ്തടങ്ങിയ ഒരു മഴതന്‍ സാമ്യം....
ചാറ്റല്‍ മഴ തന്‍ സാമ്യം.....



Tuesday, 26 February 2008

നോവ്.....


പത്തുമാസം ചുമക്കുന്ന ഭ്രൂണത്തെ
പുറന്തള്ളാന്‍ വെംബുന്ന ഗര്‍ഭപാത്രത്തിനോ....
തൂലികത്തുംബില്‍ നിന്നടരാന്‍
കൊതിക്കുന്ന വരികള്‍ക്കോ നോവ്..?
പേറ്റുനോവ്....

ജന്മനാല്‍ അനാഥത്വം പേറുന്നതോ
പാതിവഴിയില്‍ ഒറ്റപ്പെടുന്നതോ നോവ്
അനാഥത്വത്തിന്റെ നോവ്.....

പ്രണയമുള്ളതോ.....
പ്രണയമേ ലഭിക്കാത്തതോ നോവ്...
പ്രണയജീവിതത്തിനോ..
നിഷ്പ്രണയത്തിനോ നോവ്.......
സ്നേഹത്തിന്റെ നോവ്...

ഒത്തിരി നോവുകള്‍ക്കിടയിലൊരു നോവിനെ
ഓര്‍ക്കനിഷ്ടപ്പെടുന്നതൊരു നോവോ...
നോവുന്ന നോവും സുഖമുള്ള നോവും
ഓര്‍ക്കാതെ പോകുന്നതൊരു നോവോ...
ഓര്‍മ്മ തന്‍ നോവ്...

നീറുന്ന നോവുകള്‍ പലതുമുണ്ടെങ്കിലും
നീറ്റലാറ്റി കാത്തിരിക്കുന്നെന്‍ ഹൃത്ത്
വീണ്ടുമൊരു നോവിനെ.....
നോവുന്ന നോവിനെ.....???
സുഖമുള്ള നോവിനെ.....???

LinkWithin

Related Posts with Thumbnails