Friday, 12 March 2010

ബിഗ് ലോയും ..ഓസ്കാറും....പിന്നെ നമ്മുടെ കാമറൂണ്‍ ചേട്ടനും...!!!



ബിഗ് ലോയും ..ഓസ്കാറും....പിന്നെ നമ്മുടെ കാമറൂണ്‍ ചേട്ടനും...!!!

ഇത്തവണത്തേ ഓസ്കാര്‍ വിധി നിര്‍ണ്ണയം കുറ്റമറ്റതോ..?

തലക്കെട്ട് കാണുമ്പോള്‍ ചരിത്രത്തിലാദ്യമായി ഒരു വനിതക്ക് മികച്ച സംവിധായികയ്ക്കുള്ള ഓസ്കാര്‍ ലഭിച്ചതില്‍ എനിക്കെന്തോ അസൂയ ഉള്ളത് കൊണ്ടാണ് ഇങ്ങനെ ഒരു ബ്ലോഗ് ഇട്ടത് എന്ന് ആരും തെറ്റിദ്ധരിക്കല്ല് കേട്ടോ. അങ്ങനെ ഒരു ചിന്തയും എനിക്കില്ല. മാത്രവുമല്ല വനിതാ ദിനത്തില്‍ ഏതോ ബില്ലും പാസ്സകുന്നതും കാത്ത് വന്‍ പ്രതീക്ഷയില്‍ ഇരുന്ന നമ്മുടെ ഭാരതത്തിലേ മഹിളാ മണികള്‍ക്ക് മാത്രമല്ല , ലോകം മുഴുവനുമുള്ള എല്ലാ പെണ്‍ പ്രജകള്‍ക്കും അഭിമാനിക്കാവുന്ന ഒരു മുഹുര്‍ത്തമായിരുന്നു അത്. തന്റെ മുന്‍ ഭാര്യക്ക് ഓര്‍ക്കാപ്പുറത്ത് ലഭിച്ച അംഗീകാരത്തില്‍ കുശുമ്പേതുമില്ലാതെ ..വളരെ പ്രസന്നനായി സ്പോര്‍ട്ട്സ്മാന്‍ സ്പിരിറ്റോടെ അവരുടെ തോളില്‍ തട്ടി അഭിനന്ദിച്ച കാമറൂണ്‍ അണ്ണന്റെ മനസ്സ് തന്നെ എനിക്കും. ഒരു പക്ഷേ അതിലും കൂടുതല്‍ ഒരു പുരുഷന്‍ എന്ന നിലയില്‍ ഞാന്‍ അക്കാര്യത്തില്‍ സന്തോഷിക്കുന്നു കാരണം “ ഒരു വനിത എന്ന നിലയില്‍ ... മറ്റ് സാധാരണ പുരുഷകേസരികളേക്കാള്‍ അവര്‍ ഒരുപടി മുന്നിലായതു കൊണ്ടാവാം ..അല്ലെങ്കില്‍ പണ്ട് പുരുഷന്മാരുടെ വാരിയെല്ല് കടം കൊടുത്തത് പാഴായിപ്പോയില്ലെല്ലോ എന്ന ആനന്ദമാവാം...അതെന്തുമാവട്ടേ...
ഞാന്‍ പറയാന്‍ ഉദ്ദേശിച്ച കാര്യം ഇതൊന്നുമല്ല കേട്ടോ..

നമ്മുടെ കാമറൂണ്‍ അണ്ണന്‍ വര്‍ഷങ്ങള്‍ളുടെ പരിശ്രമങ്ങള്‍ക്ക് ശേഷം ഒരു പടുകൂറ്റന്‍ ചിത്രവുമായി വന്നതാണ് (അല്ലേലും അങ്ങേര്‍ ഇങ്ങനെയാ ...എന്തേലും ചെയ്യുവാണേല്‍ അത് നല്ലതായിരിക്കണം .. മറ്റാരും ചെയ്യരുത് എന്ന് നിര്‍ബ്ബന്ധമുള്ള മനുഷ്യനാ). ഒരു വിസ്മയിപ്പിക്കുന്ന അവതാരം എന്നല്ലാതെ അങ്ങേരേയും ആ ചിത്രത്തെയും വിശേഷിപ്പിക്കാതിരിക്കാന്‍ എനിക്കാവില്ല. സയന്‍സ് ഫിക്ഷനുകളുടെ മാസ്മരികതക്കുള്ളില്‍ അതിലും മനോഹരമായി ഒരു പ്രണയ കഥ. അമ്പരപ്പോടെയല്ലാതെ ആ ചിത്രം കണ്ടിരിക്കാന്‍ ഒരു പ്രേക്ഷകനും (കോമണ്‍സെന്‍സുള്ള) കഴിയില്ല. മറ്റൊരു രീതിയില്‍ ആ ചിത്രം വീക്ഷിക്കുകയാണെങ്കില്‍ ...ആദ്യം അത് അടിച്ചമര്‍ത്തപ്പെടുന്നവന്റെ ദൈന്യതയും ... പിന്നീട് അത് നില്‍ക്കക്കള്ളിയില്ലാതെ വരുമ്പോള്‍ അവന്‍ തിരിച്ചടിക്കുന്നതുമാണ് ആ കഥയുടെ കാതല്‍ എന്ന് നമ്മുക്ക് മനസ്സിലാവും. ശരിക്കും പറഞ്ഞാല്‍ ഇന്ന് അമേരിക്ക തങ്ങളുടെ ഉന്നമനത്തിനായി മറ്റ് പല രാജ്യങ്ങളിലും കാണിച്ചു കൂട്ടുന്ന കൊള്ളരുതായ്മയുടെ ഒരു നേര്‍ചിത്രമല്ലേ ഈ അവതാരം എന്ന് തീര്‍ച്ചയായും സംശയിക്കാം (സംശയം എന്നല്ല ശരിക്കും നമ്മുടെ കാമറൂണ്‍ അണ്ണന്‍ ഉദ്ദേശിച്ചതും അത് തന്നെ ...ഇരിക്കട്ടേ അമേരിക്കയുടെ തോന്ന്യാസത്തിന് ഒരു കൊട്ട് എന്ന് )

ഇനി നമ്മുക്ക് നമ്മുടെ ബിഗ് ലോ ചേച്ചിയുടെ ചിത്രത്തിലേക്ക് വരാം ....ഒരു അവറേജ് ചിത്രത്തിലുപരി ഒന്നും തന്നെ ഈ ചിത്രത്തിലില്ല എന്നത് വാസ്തവമാണെന്ന് പറഞ്ഞാല്‍ ആരും പിണങ്ങരുത്. ഒരു സാധാരണ അമേരിക്കന്‍ പട്ടാള ചിത്രം. ഇതിലും എത്രയൊ നല്ല അമേരിക്കന്‍ പട്ടാള മേധാവിത്വത്തിന്റെ ചിത്രങ്ങള്‍ നമ്മള്‍ കണ്ടിരിക്കുന്നു. (Iron Man, GI Joe, The Kingdom, State of Play..etc). ഈ ചിത്രങ്ങളിലെല്ലാം അമേരിക്കന്‍ ആര്‍മിയുടെ ശക്തിയുടെയും, ടെക്നോളജിയുടെയും മുഴുപ്പ് നമ്മുക്ക് കാണാന്‍ കഴിയും. ഇങ്ങനെയുള്ള എല്ലാ അമേരിക്കന്‍ പട്ടാള ചിത്രങ്ങളിലും ഹോളീവുഡും, അമേരിക്കന്‍ പട്ടാള ഭരണകൂടവുമായുള്ള അനിഷേധ്യമായ ബന്ധം (പരസ്യമായ ഒരു രഹസ്യം) നമ്മുക്ക് കാണാന്‍ കഴിയും. ബിഗ് ലോ ചേച്ചിയുടെ ചിത്രവും അതില്‍ നിന്ന് ഒട്ടും വിഭിന്നമല്ല.ശരിക്കും പറഞ്ഞാല്‍ ഇറാഖില്‍ അമേരിക്ക കാണിച്ചിട്ടുള്ള .. അല്ലെങ്കില്‍ ഇപ്പോഴും കാണിച്ച് കൊണ്ടിരിക്കുന്ന തോന്ന്യാസങ്ങളേ (ചില പ്രവൃത്തികളെങ്കിലും അങ്ങനെയാണ്) ലോകരുടെ മുന്നില്‍ വെള്ള പൂശിക്കാണിക്കുന്നതാണ് ഈ ചിത്രത്തിന്റെ ഇതിവൃത്തം.

ഒരു വനിതാ സംവിധായിക എന്ന നിലയില്‍ ചേച്ചി മുറ്റാണ് ...സംശയമില്ല (അഭിനേതാക്കളും മോശമില്ല). പക്ഷേ ബിഗ് ലോ ചേച്ചീ ഒന്നറിയുക .. ..ചേച്ചിയുടെ ദി ഹര്‍ട്ട് ലോക്കര്‍ ...അവതാരത്തേക്കാള്‍ മികച്ചതായത് കൊണ്ടോ ....ചേച്ചിയുടെ സംവിധാനം ..കാമറൂണ്‍ അണ്ണന്റെ സംവിധാനത്തേക്കാള്‍ മികവുറ്റതായതു കൊണ്ടോ അല്ല ചേച്ചിക്ക് ഇത്തവണത്തേ ഓസ്കാര്‍ കിട്ടിയത് എന്ന്. വെണ്ടയ്ക്ക കൊടുത്ത് ചുണ്ടയ്ക്ക വാങ്ങി എന്ന് പറയുമ്പോലെ ഞങ്ങടെ കാമറൂണ്‍ അണ്ണന്‍ ചുമ്മാ ഇരിക്കട്ടേ അമേരിക്കന്‍ അധിനിവേശത്തിന് ഒരു കൊട്ട് എന്ന് ചിന്തിച്ച് ഒരു നല്ല പടമെടുക്കുകയും..അത് കണ്ട് അമേരിക്കന്‍ പട്ടാളവും ..ഹോളീവുഡിലേ അവരുടെ ശിങ്കിടികളും ചേര്‍ന്ന് തങ്ങളേ കൊട്ടിയവനിട്ടിരിക്കട്ടേ ഒരു കിണ്ണന്‍ കുത്ത് എന്ന് വിചാരിച്ചത് കൊണ്ടാണ് ചേച്ചിക്ക് ഇത്തവണത്തേ ഓസ്കാര്‍ കിട്ടിയത്. ഉന്തിന്റെ കൂടെ ഒരു തള്ള് എന്ന് പറയുന്നത് പോലെ കാമറൂണ്‍ ചേട്ടന്‍ ..ചേച്ചിയുടെ മുന്‍ ഭര്‍ത്താവായിരുന്നു എന്നുള്ളത് വിധിയുടെ ഒരു കുത്തായിരുന്നിരിക്കാം. ആവോ അറിയില്ല...?

12 comments:

Sourcebound said...

അചൂസിനോട് തീര്‍ച്ചയായും യോജിക്കുന്നു, മിലിറ്ററി ഔട്ട്സോര്‍സിംഗ് എന്ന കാടത്ത നടപടിയെ പുഛിച്ച കാമറുണ് ആണ്ണ്നു എങ്ങനെ അവാര്‍ഡ് കിട്ടും?

ജസ്റ്റിന്‍ said...

കാര്യം വളരെ സരസമായി തമാശയായി അവതരിപ്പിച്ചത് ഇതെഴുതിയ ആളെ വിമര്‍ശിക്കാതെ ഇരിക്കാന്‍ വേണ്ടി ആണെന്ന് മനസ്സിലാകുന്നുണ്ട്. പക്ഷെ എന്തൊക്കെയാണെങ്കിലും പറഞ്ഞിരിക്കുന്നതില്‍ കാര്യമുണ്ട്. കാരണം എന്തൊക്കെയാണെങ്കിലും പാര വച്ചാല്‍ അമേരിക്ക സഹിക്കുമോ. അമേരിക്ക ആരാ മോന്‍. അവരെ പ്രകീര്‍ത്തിക്കുന്ന പടം അല്ലെങ്കില്‍ അവാര്‍ഡ്‌ കിട്ടുമോ.

സ്ലംഡോഗ് മില്യനെയര്‍ എന്ന പടത്തിന് ഓസ്കാര്‍ കിട്ടാന്‍ തന്നെ കാരണം ഇന്ത്യയുടെ നാറുന്ന മുഖം ലോകം കാണട്ടെ എന്നുള്ളത് തന്നെയാകും. ആ ചിത്രത്തിനു ഓസ്കാര്‍ കിട്ടിയിരുന്നില്ലെങ്കില്‍ ഇന്ത്യയുടെ നാറ്റം ലോകം മുഴുവന്‍ ഇത് പോലെ പരക്കുകയില്ലായിരുന്നു.

പട്ടേപ്പാടം റാംജി said...

എന്തായാലും കാര്യങ്ങളുടെ കിടപ്പ് തെളിയുന്നുണ്ട്.

Savita Singh said...

naan entho parayanaaa, nee paranjondu onnu nokki,,,, prethyekichu comment illa , nee apekshichathu kondu paranjekkam ---lokathe pennungalkku elllaaaam abhimanikkaan ee Oscar nu prethyekichu oru undem illaaaa, James annan kurachu naal koode kazhinjathinte gunam ennu ninakku open aayittu nee paranjillalloooo....athrem aswaasam

america cheythathu nnu munpe ividuthe malayali annan maar kochu keralathil cheythu kanzhinjirikkunnu...alochichu nokku----ithil enthu puthuma???

ariyaan melanjittu chodikkuva ninakkenthite keda??? ninnodu naan paranja karyam adhyam cheyyu---

Anoop said...

വിയോജിപ്പ്‌...

അവതാറും ഹർട്ട്‌ ലോക്കറും കണ്ടിരുന്നു.

ഹർട്ട്‌ ലോക്കർ ആണു ഇഷ്ടപ്പെട്ടത്‌. പൊളിടിക്സ്‌ അതിൽ വിഷയമവുന്നില്ല എന്നു തന്നെ പറയാം. ഒരു ബോംബ്‌ ഡിസ്പോസൽ എക്സ്പേർട്‌ അനുഭവിക്കുന്ന മാനസിക സംഘർഷങ്ങളുടെ ഇന്റൻസ്‌ ‌ആയ ആവിഷ്കാരം.

വളരെ ചെറിയ ബജറ്റ്‌ ആണു ബിഗലോയുടെ കൈയിലുണ്ടായിരുന്നതു എന്നു കൂടി ഓർക്കണം.

GI Joe, Iron Man പോലുള്ള കോമിക്‌ ബുക്‌-ഫാന്റസി സിനിമകളോടാണോ താരതമ്യം ചെയ്യുന്നതു? State of Play വലിയ കുഴപ്പമില്ലാത്ത ത്രില്ലർ എന്നു പറയാം, പക്ഷെ അതിന്റെ വിഷയം അമേരിക്കൻ പട്ടാള മേധാവിത്വമൊന്നുമായിരുന്നില്ല എന്നാണു ഓർമ്മ‌. The Kingdom എന്ന സിനിമിയെക്കാൾ എന്തു കൊണ്ടും നല്ലതു H L ആണെന്നാണ്‌ എന്റെ അഭിപ്രായം. "ഒരു സാധാരണ അമേരിക്കൻ പട്ടാള ചിത്രം" എന്ന താങ്കൾ പറഞ്ഞ വിശേഷണം കൂടുതൽ ചേരുന്നതു T K ക്കു തന്നെ.

അവതാറിൽ എന്താണിത്ര പ്രത്യേകത? വിഷ്വൽ ഇഫക്ടുകൾ അല്ലാതെ. പ്രമേയമാണെങ്കിൽ Lawrence of Arabia മുതൽ എത്രയോ സിനിമകളിൽ പല രീതിയിൽ കൈകാര്യം ചെയ്യപ്പെട്ടിരിക്കുന്നു. ഇതു കാമറൂൺ തന്നെ പറഞ്ഞിട്ടുള്ളതുമാണ്‌. ഞാൻ ഇതു 2D ആയിട്ടാണു കണ്ടത്‌. ഇതിനോടു സാമ്യമുള്ള ഒരുപാടു സിനിമകൾ കണ്ടിട്ടുള്ളതു കൊണ്ടു നന്നായി ബോറടിച്ചു.

Sourcebound said...

പ്രിയപ്പെട്ട അനൂപ്,
വാര്ത്തകളും സിനിമയും രണ്ടുരീതിയില്‍ മനസ്സിലാക്കാം, ഒന്നുകില്‍ അവ വെറുതെ വായിച്ചു,കണ്ടു പോകാം, അല്ലെങ്കില്‍ വരികള്ക്കിടയില്‍, ചിത്രങ്ങള്ക്കിടയില്‍ സഞ്ചരിച്ച് അവയെ അപഗ്രഥിക്കാം.
Hurt locker-ലും Avatar-ലും politics ഉണ്ട്. ഒന്ന് അമേരിക്കന്‍ വിദേശപോളിസിയെ അനുകൂലിക്കുമ്പോള്‍ രണ്ടാമത്തേത് പുച്ഛിക്കുന്നു.

Hurt locker

ഒരു bomb squad expert അവിടെ വരാനുണ്ടായ സാഹചര്യം തന്നെ ചര്ച്ച ചെയ്യേണ്ടതല്ലേ? അണുവായുധമുണ്ടെന്ന പേരില്‍ അമേരിക്ക നടത്തിയ അധിനിവേശത്തിന്റെ പരിണിതഫലം! അതായത് ഒരു വലിയ രാഷ്ട്രീയ'നുണ'യുടെ തൂപ്പുകാരന്‍ അല്ലേ ആ bomb squad expert? ഈ സിനിമയിലെ അമേരിക്കക്കാര്‍ നല്ല ഇടയരും ഇറാക്കികള്‍ ദുഷ്ടരും! അവിടെ തടവുകാരോടുകാണിച്ച ക്രൂരതകള്‍ എന്തേ കാണാതെപോയി? ഒരു FPS വീഡിയോഗെയിം പോലെയാണ് ഈ സിനിമ, തോക്കിന് മുന്നിലുള്ള ഒന്നിനും വ്യക്തിത്വം ഇല്ല എന്നുള്ള കാഴ്ചപ്പാട് ആണ് സംവിദായിക സ്വീകരിച്ചത്. അതു കൊണ്ട് തന്നെ ഒരു സാധാരണസിനിമയില്‍ കൂടുതല്‍ എന്താണ് അവകാശപ്പെടാനിതിലുള്ളത്? Water boarding എന്ന ക്രൂരപീഡ്ഡനം അനുഭവിച്ച നിരപരാധികളായ ഇറാഖികളുടെ (psychological recovery will take years) അത്രയും സംഘര്ഷം ആ bomb squad expert അനുഭവിച്ചിരിക്കാന്‍ സാധ്യതയില്ല. CACI, Titan Corporation, Black Water തുടങ്ങിയ മിലിട്ടറി കോണ്ട്റാക്റ്റേഴ്സ് ഇറാഖില്‍ പഞ്ചപാവങ്ങളായി നടക്കുകയായിരുന്നു എന്ന മട്ടിലാണ് സിനിമ! American military bomb squad ഏറ്റവും മികച്ചതാണെന്ന് വിളിച്ചോതുന്ന ഒരു ഡോക്യുമെന്ററി ആയാണ് ഈ ചിത്രം എനിക്ക് തോന്നിയത്.

Avatar

മറ്റൊരു ഗ്രഹത്തിലാണ് നടക്കുന്നതെങ്കിലും നമ്മുടെ ഭൂമിയും അതിലെ രാഷ്ട്റീയവും ചര്ച്ചുചെയ്യുന്നുണ്ട് അവതാര്‍. താങ്കള്ക്ക് ബോറടിച്ചതുകൊണ്ടാവും ഇതിലെ പൊളിറ്റിക്സ് മനസ്സിലാവാതെ പോയത്. colonel quaritch and parker selfridge പ്രതിനിധാനം ചെയ്യുന്നത് black water പോലുള്ള സ്വകാര്യസൈന്യസ്ഥാപനങ്ങളെയാണെന്ന് മനസ്സിലാക്കാന്‍ അത്യധികം ബുദ്ധിസാമര്ത്ഥ്യം വേണമെന്ന് തോന്നുന്നില്ല. Navi എന്ന ജനത അധിനിവേശഭീഷണി നേരിടുന്ന പാലസ്തീന്‍, ഇറാഖ് എന്ന രാജ്യങ്ങളോട് സാമ്യം പുലര്ത്തുന്നതായും പറയാം. Un obtainium എന്നത് 'എണ്ണ' യായും വ്യാഖ്യാനിക്കാം. Navi വസിക്കുന്ന ഹോം ട്രീ യുടെ താഴെ Un obtainium ഇരിക്കുന്നുവെന്നത് ഇറാഖിലെ ജനങ്ങള്‍ 'ഓയിലി'ന് മുകളില്‍ താമസിക്കുന്നു എന്നതിന് സമാനം!
മനുഷ്യനും പ്രകൃതിയും തമ്മിലുള്ള ബന്ധത്തിന്റെ ആഴം നശിച്ചുപോയത് ഈ സിനിമ മുഖത്തടിച്ചതുപോലെ പറയുന്നുണ്ട്. പലപ്പോഴും, നശിപ്പിക്കപ്പെടുന്ന പ്രകൃതിയെ കാണുമ്പോള്‍ മനുഷ്യനായി പിറന്നതില്‍ ലജ്ജിക്കേണ്ടിയിരിക്കുന്നു എന്ന് തോന്നിപ്പിക്കുന്നു 'അവതാര്‍' എന്നുകൂടി കൂട്ടിച്ചേര്ക്ക്ട്ടെ!
ഇതില്‍ കൂടുതല്‍ എന്ത് പറയാന്‍ സുഹൃത്തേ? ഒരു സിനിമ മഹത്തായ സൃഷ്ടി ആകുന്നത് അത് സാമൂഹ്യപരമായ ചര്ച്ചുകള്ക്ക് കാരണമാവുമ്പോഴും നല്ല ചിന്തകള്‍ പ്രദാനം ചെയ്യുമ്പോഴും വരും തലമുറയ്ക്ക് എന്തെങ്കിലും‍ ബാക്കിവെയ്ക്കുമ്പോഴുമാണ്.

Anoop said...

വരികൾക്കിടയിലൂടെയുള്ള വായന എന്നതിനേക്കാൾ എഴുതാപ്പുറം വായന എന്നു പറയാൻ തോന്നി.

ഒരു സിനിമ എന്ന നിലയിൽ എനിക്കു മികച്ചതായി തോന്നിയതു HL തന്നെ ആണ്‌.

ഇറാഖി ജെയിലുകളിലെ ക്രൂരതകൾ സമാനതകളില്ലാത്തതെന്നു വ്യക്തമാണ്‌. പക്ഷെ ബിഗലോ ഫോക്കസ്‌ ചെയ്യുന്നതു അക്കാര്യങ്ങളിലോ അമേരിക്കൻ ഫോറിൻ പോളിസിയിലോ അല്ല.

War is a drug എന്നു ആദ്യം എഴുതിക്കാണിച്ചത് കണ്ടിരുന്നോ? യുദ്ധത്തിലെ അനുഭവങ്ങൾ ഒരു സൈനികന്റെ ജീവിതത്തെ എങ്ങനെ ബാധിക്കുന്നു എന്നതാണു HL പറയാൻ ശ്രമിക്കുന്നത്‌. Valley of Elah എന്ന ചിത്രത്തിലും ഇതേ സ്വഭാവമുള്ള പ്രമേയമുണ്ടായിരുന്നു. അതു HL നേക്കാൾ വിമർശനാത്മകവുമായിരുന്നു.


ഒരു വലിയ രാഷ്ട്രീയ'നുണ'യുടെ തൂപ്പുകാരന്‍ അല്ലേ ആ ബൊംബ്‌ സ്ക്വാദ്‌ എക്സ്പേർട്‌?


എന്നു പറയാമോ? അയാളെ ആജ്ഞകൾ അനുസരിക്കുക്ക എന്ന ദൗത്യമുള്ള, തന്റേതല്ലാത്ത ഒരു യുദ്ധത്തിൽ പങ്കാളിയാവേണ്ടി വരുന്ന ഒരു നിസ്സഹയാനായ വ്യക്തി ആയല്ലേ ചിത്രീകരിക്കപ്പെട്ടിരിക്കുന്നത്‌? പോളിസിയെ ചോദ്യം ചെയ്യാനൊന്നും ഒരു സൈനികനു അനുവാദമില്ലല്ലോ.


ഈ സിനിമയിലെ അമേരിക്കക്കാര്‍ നല്ല ഇടയരും ഇറാക്കികള്‍ ദുഷ്ടരും! അവിടെ തടവുകാരോടുകാണിച്ച ക്രൂരതകള്‍ എന്തേ കാണാതെപോയി?

beyond the scope of the story എന്നു വേണമെങ്കിൽ crude ആയി പറയാം. ഇറാഖികളുടെ ജീവിതം എങ്ങനെ താറുമാറായി എന്നും മറ്റും ചില സൂചനകൾ മാത്രമെയുള്ളു എന്നതു ശരിയാണ്‌. എങ്കിലും, അമേരിക്കക്കാരെ ന്യായീകരിക്കാനോ glorify ചെയ്യാണോ ശ്രമിച്ചിട്ടില്ല എന്നാണ്‌ തോന്നിയത്‌.



Off-topic (maybe):
അമേരിക്കൻ പോളിസിയുടെ ഏറ്റവും വലിയ വിമർശകരിൽ ഓരാളായ മൈക്കിൾ മൂറിനു ഓസ്കർ കിട്ടിയിട്ടുണ്ട്‌ എന്നറിയാമല്ലോ.

Anoop said...

HL ഒരു മികച്ച ത്രില്ലർ ആണ്‌. ഒരു സിനിമയെന്ന നിലയിൽ അവതാറിനെക്കാൾ കൊള്ളാവുന്നതുമാണു. ഇത്രെയെ ഞാൻ ഉദ്ദേശിചുള്ളു.

അവതറിന്റെ തീം പ്രത്യക്ഷത്തിൽ noble ആണെന്നു തോന്നുമെങ്കിലും, വേണമെങ്കിൽ അൽപം racism ഒക്കെ ആരോപിക്കാം എന്നുമൊരു വാദമുണ്ട്‌. നായകനായി ഒരു "വെള്ളക്കാരൻ" തന്നെ വേണം എന്നൊരു subtext ഉണ്ടത്രെ. Dances with wolves, Last Samurai തുടങ്ങിയ ചിത്രങ്ങളിൽ ഇതു കുറച്ചു കൂടി വ്യക്തമാണെന്നും ആരോപിക്കാം.

ഇനി അവതാരിലെ രാഷ്ട്രീയം. അതു മുഴുവൻ elaborate ചെയ്തതു എന്നെ കളിയാക്കാൻ വേണ്ടിയല്ല എന്നു വിചാരിക്കട്ടെ. അതിലെ parallels പകൽ പോലെ വ്യക്തമാണ്‌. ആ theme വളരെ പ്രസക്തവുമാണ്‌.

പക്ഷെ, 3D യും മറ്റു ഇഫക്ടുകളും മാറ്റി നിർത്തിയാൽ അവതാർ, പഴയ ഡിസ്നി കാർട്ടൂൺ ആയ Pocahontas എന്നിവ തമ്മിൽ കാര്യമായ വ്യത്യാസങ്ങളില്ല. അതെ പോലെ Fern Gully എന്ന ആനിമേറ്റഡ്‌ സിനിമ ഏതാണ്ട്‌ ഇതു തന്നെയാണ്‌. ഇവയൊക്കെ കണ്ട ഓർമ്മയുണ്ട്‌. ചുരുക്കി പറഞ്ഞാൽ, അവതാറിൽ കമറൂണിന്റേതായുള്ളതു ഇഫക്ടുകളുടെ അതിമനോഹരമായ incorporation മാത്രമാണു എന്നു പറഞ്ഞാലും അതിശയോക്തിയില്ല.

Sourcebound said...

The reason I told Hurt Locker was like a documentary is none other than its one sided depiction of the daily activities of a bomb squad and the tension of the soldiers who do that. You say the hero of Hurt Locker is a soldier and can only follow orders. Then so is Jake Sully. He is a soldier too but he stood for what is right. This simple but courageous act of one man is what elevates Avatar to an epic status. Standing against all odds and staring at death and not flinching. It’s there in both movies but what makes it poetic and beautiful in Avatar is that the cause is right. It’s not done to clean up the mess of a fool’s errand of looking for (Weapons of Mass Destruction). Remember the voice over from Jake towards the beginning of Avatar ‘All I ever wanted in my sorry-ass life was a single thing worth fighting for. Well this is the kind of message the world needs. To fight for what is right, and don’t just follow orders like a moron.

Anoop said...

I didn't mean to go on arguing, as perception of cinema is subjective.

You say the hero of Hurt Locker is a soldier and can only follow orders. Then so is Jake Sully. He is a soldier too but he stood for what is right.

Have you considered the possibility that HL's depiction of a soldier is realistic (at least relatively), while Jake Sully is a fantastic character based on Lt. Dunbar(Dances with wolves), John Smith(Pocahontas), Lawrence(Lawrence of Arabia), etc?
I'm inclined to think Cameron used an age-old storyline as a vehicle for his super cool technology.

(Come to think of it, aren't most of his movies following this pattern? Who'd have watched Titanic but for that accurate and grand depiction of shipwreck?)


This simple but courageous act of one man is what elevates Avatar to an epic status.


Nope. It's Cameron's vision that does the trick - 3D animation, the awesome effects, etc. Strip them off Avatar, and one may prefer Disney's Pocahontas over it. No epic is so just because of the fantastic nobility of its theme.


To fight for what is right, and don’t just follow orders like a moron.


Indeed. But if soldiers do it, it can be called mutiny, I think. Not that they're meant to be puppets. Or, are they?

As for being one-sided, so are most of the great war movies(except a few like Eastwood's Flags of our fathers and Letters from Iwo Jima, which are complementary).

Just because HL focuses on the bomb squad, perhaps with a tinge of Bigelow's womanly sympathy, doesn't mean it glorifies US stance. I think it's unfair to call it a documentary, having seen enough and more cinema and documentaries.

Peace. I'm sure we've got better things to do with our time. Thank you for the patient responses.

C ya.

അച്ചൂസ് said...

നന്ദി....
എല്ലാവര്‍ക്കും.

ഉമേഷ്‌ പിലിക്കൊട് said...

:-)

LinkWithin

Related Posts with Thumbnails